बेक चीज म्याकरोनी
आवश्यक सामग्री
म्याकरोनी (तेल–नुन हाली उमालेको) ३०० ग्राम
च्याउ (थोरै तेल हाली फ्राइ गरेको) १०० ग्राम
गालेभेंडा (हल्का उमाली बोक्रा निकालेको) आधा कप
लसुनको पेस्ट १ चिया चम्चा
बटर ५ टेबल चम्चा
चीज (कोरेसोमा कोरेको) २०० ग्राम
खुर्सानी, जीराको धूलो आधा चिया चम्चा
अण्डा (हल्का फिटेको) दुई वटा
नुन स्वादअनुसार
रिफाइन्ड तेल १ टेबल चम्चा



बनाउने विधि
सर्वप्रथम ओभनलाई करिब १६० डिग्री से. तापक्रममा तातो गर्नुपर्छ । यस बेलासम्म एउटा बावलमा अण्डा, बटर र आधा जति चीज हालेर राम्ररी फिट्नुपर्छ । अर्को एउटा ठूलो भाँडोमा च्याउ, गोलभेंडा, लसुनको पेस्ट, खुर्सानीको धूलो, जीराको धूलो, नुन र अण्डा हालेर राम्ररी चलाई मिलाउनुपर्छ । त्यसपछि यसमा उमालेर ठीक पारेको म्याकरोनी मिलाई माथिबाट बाँकी रहेको चीज र बटर हाल्नुपर्छ । सबै सामग्री मिलाएपछि बेक गर्ने भाँडोमा हालेर करिब १०–१२ मिनेट जति ओभनमा हाल्नुपर्छ । हल्का रातो तथा सुनौलो रंग हुनुका साथै राम्ररी सेट भएपछि निकाली सर्भ गर्न सकिन्छ ।